Ni igitaramo cyateguwe hagamijwe kwizihiza imyaka 25 Alexis Dusabe amaze mu muziki wo kuramya no guhimbaza Imana. Abazitabira iki gitaramo bazahimbaza Imana mu ndirimbo za Alexis Dusabe, Bosco Nshuti na Pastor Lopezi wo mu gihugu cy’u Burundi.

Bosco Nshuti, wamamaye mu ndirimbo zirimo Umutima, Ibyo ntunze n’izindi, yagize ati: “Shalom Shalom, ngufitiye inkuru nziza. Umuyoboro 25 Years twateguriwe n’umuramyi Alexis Dusabe tariki ya 14/12 Camp Kigali.

Yaduteguriye abaramyi beza barimo Pastor Lopez wo guturuka i Burundi (Imana y’akandi karyo). Nanone nzaba mpari.” (Bosco Nshuti yivuga)."

Yakomeje ati: “Muzaze dufatanye na Alexis Dusabe, twumve ubuhamya bwe ukuntu Imana yabanye na we muri iyi myaka yose.”

Mu gusoza, yasabye abantu kugura itike bakagutumira inshuti zabo, abizeza ko bazagirana ibihe byiza, asoza abasabira umugisha.

Umuramyi Aline Gahongayire (Dr. Alga), umwe mu baramyi bubatse igikundiro mu mitima y’Abanyarwanda bitewe n’indirimbo zuje ihumure nka Zahabu, Ndanyuzwe n’izindi, na we ati: “Ndanezerewe, nejejwe no kugutumira mu gitaramo cy’umukozi w’Imana Alexis Dusabe, Umuyoboro 25. Ni ikintu gikomeye kuri Alexis Dusabe ndetse no ku bihangano bye.”

Yakomeje ati: “Hari idée spéciale… hari billet spéciale yo kumutera inkunga ku mafaranga ibihumbi 50. Ushobora kuba utayafite ariko ushobora kugura tike yawe.”

Yasoje asaba abantu kuzaza muri Camp Kigali bakaririmbana na Alexis Dusabe indirimbo zirimo Umuyoboro n’izindi nyinshi.

Umuyoboro 25 Years Concert ni igitaramo cy’amateka ku bakunzi ba Gospel, aho banyotewe no kuzataramana n’uyu muramyi w’umuhanga uzwi cyane mu ndirimbo nka Umuyoboro, Ibyiringiro, Ntumukundire, Mfite Umukunzi, Kuki turira n’izindi.

Alexis Dusabe agiye kwizihiza imyaka 25 amaze mu muziki

REBA IKIGANIRO N’ABANYAMAKURU KU GITARAMO CYA ALEXIS DUSABE