Uyu muhuro watangiye ahagana saa 11H45. Abaririmbyi baturuka mu bice bitandukanye by’u Rwanda bahuriye muri Great Hotel iherereye mu Kiyovu. Iki gikorwa cyiswe "Umusangiro".

Byari ibyishimo ku baririmbyi basangiye amateka y’ubuzima bw’ishuli bufatwa nk’ubugoye nk’uko aba baririrmbyi baririmbye muri Horeb Choir ndetse bakaba banakiyiririmbamo babitangagamo ubuhanmya.

MC Masengesho Jean Baptiste yabibibukije ati"Kuri ubu turashima Imana ko yabanye natwe ikaturindira muri Mukalu Shop, none tukaba twicaye muri Great Hotel.

Abakozi b’Imana barimo umubyeyi witwa Umubyeyi Rose bita "Biva mu gusenga" kuri ubu akaba umukontabule wa ADEPR yari yitabiriye uyu muhuro.

Uyu munsi watangijwe no kuramukanya biteye ubwuzu dore ko abaririmbyi wabonaga bakumburanye kuko wasangaga hari abamaze nk’imyaka irenga 10 batabonana bitewe n’inshingano zitandukanye.

Wari n’umwanya mwiza wo kumenyana kw’abize muri iyi kaminuza mu bihe bitandukanye. Urugero, umuririmbyi witwa Nazaire yarangije mu mwaka wa 2008 bwari ubwa 1 ahuye n’abanyeshuri barangije mu mwaka wa 2021.

Hafashwe umwanya munini wo kwibwirana ku baririmbyi aho umuririmbyi yavugaga amazina, igihe yatangiriye amasomo muri iyi Kaminuza ndetse n’igihe yasoreje. Yongeragaho n’icyo.

Ibyo byose byari mu rwego rwo kumenyana no kunga ubumwe nk’uko n’intumwa zarangwaga n’ubumwe, bivuze ko byorohera udafite akazi kuba yagahabwa n’abagize amahirwe yo gushinga Kampani zabo.

N’ubwo uyu munsi wiswe umusangiro, ni umwanya mwiza wo kuganira ku iterambere rya Korali ndetse no kuganira ku mishinga itandukanye ya Korali.

Habanje kumurikwa imishinga yagezweho irimo Video 4 z’imwe mu mishinga yaganiriweho. Ni umushinga wo gukora Video Enye zirimo "Yararenganye", "Umwuka wera", "Irashoboye" ndetse na "Tuzahurirayo".

Iyi korali isanzwe ibarizwa mu itorero rya ADEPR SGEEM ikaba yaragize uruhare mu murimo wo kubaka urusengero rwa ADEPR SGEEM aho abaririmbyi ba korali Horeb bitanze miriyoni eshanu (5,000,000 Millions).

Uretse ibi bikorwa, Korali Horeb ikaba yarakoze ivugabutumwa mu bice bitandukanye by’igihugu harimo ibiterane byo mu mujyi wa Kigali no mu Turere dutandukanye harimo igiterane cyabereye mu itorero rya Gatonde Paroisse Muhoza mu Karere ka Gakenke.

Umwe mu mishinga yamurikiwe abanyamuryango ariko utarahabwa umugisha ni uwiswe "Horeb Investment &Savings(HISS). Ni umushinga wakorewe inyigo na Komisiyo yiterambere muri Horeb Advisory Council nk’uko wasobanuwe na Bwana Ernest Kagenza.

Uyu mushinga ukaba warakorewe inyigo nk’igikorwa gifite ingaruka nziza ku bukungu no kwiteza imbere gihuza kandi kizana ubumwe mu banyuze cyangwa bari muri Korali Horeb. HISS ikaba izaba ari Sosiyete igizwe n’abanyamuryango baturuka muri Horeb Choir Family biyemeje guhuza imbaraga n’ubushobozi mu guharanira iterambere ry’ubukungu.

Nyuma yo gusobaburira abanyamuryango HISS, abarenga 90 bitabiriye uyu musangiro bishimiye iki gikorwa basaba Horeb Advisory Council iyobowe na Bwana Louis Niyigena ndetse na Horeb Family Choir iyobowe na Bwana Sylvin Micomyiza kunoza bimwe mu byifuzo byatanzwe n’abanyamuryango bagatangira kugura imigabane. Bimwe muri ibi byifuzo harimo gushyiraho umubare w’imigabane umunyamuryango yemerewe kugura.

Paradise izakomeza kubakurikiranira uyu mushinga n’ibindi bikorwa bya Horeb Choir.

Begamikiranyije amajosi hafi kurira!! Umwe yitwa Isaac hagakurikiraho Madamu we witwa Goreth, uheruka yitwa Lenie Nyiramusago, we n’umugabo we witwa Gerome (utari mu ifoto), ni bamwe mu baririmbyi b’abakire muri Horeb. Bafite na kompanyi yitwa GEL LTD ikora ibintu bya Consultance

Umuyobozi wa Horeb Micomyiza Sylvain na Madamu we Gerrardine. Ahantu hose baba bakundanye

Tuyizere bienvenue ubanza.Umwe muba Mc bo muri Horeb Choir

Yitwa Jacky umwe mu bantu babaye muri Protocol ya Horeb Choir igihe kirekire. Yabikoranaga umutima w’urukundo n’ubugwaneza

Bienvenue n’urubavu rwe Solange, ni imwe muri couple z’icyitegererezo muri Horeb

Ifoto y’urwibutso y’abaririmbyi ba Horeb choir