Isaha icumi n’iminota mirongwibiri n’itandatu (16h26’) mu masaha y’i Burundi no mu Rwanda niho umurwi w’abaririmvyi ba Worship Team washika ku ruhimbi mw’isengesho inyuma yaho baririmba indirimbo zoguhimbaza nogutazira Imana.

Ishengero ryose ririko riraririmba indirimbo ziganjemwo iza Apôtre appolinaire bari mumavuta menshi.

Isaha icumi n’imwe n’iminota mirongwibiri (17h20’) niho umwungere mukuru w’iryo shengero Apôtre Nuru Niyonkuru niho yashika kuruhimbi yibutsa ishengero ko bari mu misi 40 aba baza ko hari abo Yesu Kristo amaze kwiyereka.

Mu nyuma aririmba indirimbo asaba ishengero ryose guhaguruka ngo bafate umwanya wogusenga. Yafashe wogutazira Imana maze aha umwanya umwungere wa paruwasi simubi chantal asenga Imana.

Umwungere mukuru w’iryo shengero Apôtre Nuru Niyonkuru yashimiye worship team, asaba ishengero ryose kwicara, yafashe umwanya yibutsa ishengero amajambo y’Imana yavuzwe kumusi wambere w’igikorane, ryavuga kumbaraga z’isezerano ingene zazigamye kuro.

Avuga nawe ubwiwe ingene yagiye gutoragura amavoka kumbuga y’umukeceru iwabo ruguru amaze imisi 2 adafungura maze amuha ibijumbu bimaze indwi munkono.

Aho kubirya yumva ijwi rimubaza maze abisuka mubitoke aho yabisutse harasha hose bivurwako vyarimwo ishano ariko azigamwa n’isezerano.

Yongeye abibutsa amajambo y’Imana bize kumusi wa kabiri w’igikorane avuga ngo ntukihebe biracashoboka kwizera n’amaboko atagaragara ariko afata ibigaragara.

Umwungere mukuru w’iryo shengero Apôtre Nuru Niyonkuru yakiriye abashitsi bataje kuva igikorane gutangura. Umwanya w’amashikanwa. Yasengeye amashikanwa maze ishengero ryose ritanga amashikanwa korari ushindi iriko iririmbira Imana.

Umwungere mukuru w’iryo shengero Apôtre Nuru Niyonkuru yasengeye umukozi w’Imana Isumba vyose maze aha ikaze umuvugabutumwa bwiza bwa Yesu Kristo yaje avuye mugihugu kibanyi c’u Rwanda yitwa Ev. Mbarushimana John.

Isaha icumi nazibiri n’iminota mirongwibiri n’itanu niho umukozi w’Imana yashika kuruhimbi ashimira Imana kuba arimuzima ndetse kubona ishengero ryose rimeze neza.

Yifashishije amajambo y’Imana ari mugitabo co guharura 27:1...Hamwe no mugitabo ca 2abami 8:5-6. Afise urufatiro ruvuga ngo ubujurure bw’umukiranutsi buhindura itegeko.

Ico gihe muri isirayeli hari itegeko rivuga ko umuntu wese azovyara abaana b’ abakobwa, atamuhungu arimwo maze agapfa ibisigi vyose bazoca babiha uwiwabo n’umugabo yoba yaravyaye umuhungu maze abo bakobwa bakaja kuyerera, SELOFEHADI yapfuye asize abakobwa 5 ata muhungu numwe arimwo.

Maze abo bakobwa bariyegeranya bandika ikirego bagiha mose ngo akirengukane imbere y’Imana, babwira Imana ingene ibisigi vyose vy’abavyeyi vyatanzwe mugahinga ngo nuko atamuhungu se yasize.

Mose ageze imbere y’Imana atanga ico kirego maze Imana irenganura abo bakobwa. Yongera itanga itegeko ko guhera ubwo ata mwana numwe w’umukobwa azongera gufatwa nico cagezwe.

Abakobwa 5 batumye icagezwe gikurwaho kubera gusenga. Hari ibintu isi yagiye isinya kubuzima bw’abantu uyu mugoroba birasinyurwa.

Yongera avuga ko mugore Elisa yari yarasabiye umwana maze ahungira muri isirayeli imyaka indwi kubera inzara. Maze agarutse, gehazi amuvugira ku Mwami maze asubizwa ivyiwe vyose yari yaranyazwe.

Umukozi w’Imana Isumba vyose yaje avuye mugihugu kibanyi c’urwanda yasengeye amadokima yari yazanywe n’ishengero ryose maze ahejeje ashimira nabatumiye abandi atako arabasengera.

Umwungere mukuru w’iryo shengero Apôtre nuru Niyonkuru yarangije ashimira ishengero ryose Muri rusangi ahejeje atanga amatangazo Maze asengera ishengero ryose ritahana umunezero hari isaha zibiri z’ijoro n’iminota mirongwitatu n’itanu.