Isaha zitatu zo mu gatondo (9h00’) mu masaha y’i Burundi no mu Rwanda niho umurwi w’abaririmvyi ba Worship Team yahagurukanye isengesho n’indirombo zo guhimbaza no gutazira Imana ishengero ryose riba mu bihe vyiza vyo gutazira Imana.
Umuyobozi wa programu yageze ku ruhimbi Worship Team ikiriko irahimbaza, ahamagara mwarimu Chantal ngo asenge Imana ayishimire kubona yabarinze bakaza mu ngoro y’Imana ari bazima.
Inyuma y’isengesho haciye haririmbwa indirimbo ya rusangi inimero 123 "YESU NI WEWE NARONKEYEMWO AMAHORO MU MUTIMA". Hakurikira abana bo kuw’Imana Sunday School bahimbaza Imana, nyuma hahereza abashima Imana kuvyo yabakoreye.
Umurongozi wa programu yahaye umwanya pasitori consolate ngo yakire abashitsi batandukanye acagirako anashima Imana ko kumusi waganu uheze yamurinze ibitero vy’impwemu mbi.
Umwungere mukuru w’iryo shengero Apôtre Nuru NIYONKURU yageze kuruhimbi yakira abashitsi bavuye mugihugu kibanyi c’urwanda Maman Hugue na Aderard baramutsa ishengero banashima Imana kwongera kubona umwungere mukuru inyuma y’ugihe kinini batabonana.
UMWANYA WO GUSHIKANIRA IMANA
USHINDI niyo yariko ihimbaza Imana mugihe ishengero ryariko ritanga amashikanwa Ushindi yahagurukanye ikorasi nziza cane ivugako Yesu ari muzima muri Afurika.
UMWANYA W’IJAMBO RY’IMANA
Worship Team yahagurukanye indirimbo nziza cane kugira bategure abantu kwakira ijambo ry’Imana mu ndirimbo nziza "SHIMWA YESU MUCUNGUZI, SHIMWA MANA WAMUTANZE", Ishengero ryose rihagurutse bahimbaje Imana maze umwungere wa paruwasi ariwe SIMUBI Chantal asenga isengesho ryo gushira umwungere mukuru w’iryo shengero Apôtre Nuru NIYONKURU mu bwiza bw’Imana kugira atangure kwigisha.
Mu mavuta menshi yoguhimbaza Imana, Apôtre Nuru NIYONKURU yahagurukanye indirimbo nziza cane "YESU UMBEREYE MASO" n’iyindi y’igiswahili ivuga ngo "YUPO MUNGU MBINGUNI USIKIAE MAOMBI YETU", n’izindi zitandukanye izo ndirimbo nizo zatanguriye ijambo ry’Imana.
URUFATIRO RW’ IJAMBO RY’IMANA
KUVUGA KURI UYU MUGABO BITA YESU KRISTO AKWIYEREKE MURINO MISI 40.
Yohana 5:4-9 UWARARWARIYE KUKIDENGERI CITWA BETESIDA.
Daniyeli 3:25-26 SHADURAKA, MESHAKE N’ABEDUNEGO BATERERWA MU MURIRO.
Yosuwa 5:13-15 UMUGABISHA W’INGABO Z’UHORAHO.
Ayo niyo majambo y’Imana umwungere mukuru w’iryo shengero Apôtre NURU NIYONKURU yahagazeko munyigisho ziwe zuyu musi w’Imana yipfurije ishengero ryose ko yesu kristo yoryiyereka murino misi 40.
Ibikurwanya bizaceceka kuko uwukugwanirira biramwumvira avuze biraceceka.
Yashimikiye cane kumajambo y’Imana yasomye mubutumwa bwiza bwa Yesu Kristo uko bwanditswe na Yohana 5:4-9 avuga ingene yesu kristo yakijije uwari amaze imyaka 38 kukidengeri c’ibetesida, amubwira kwikorera ikirago ciwe agataha.
Umwungere mukuru w’iryo shengero Apôtre Nuru NIYONKURU yasavye ishengero ryose guhura nuyu mugabo bita Yesu Kristo murikino gihe kuko iyi misi 40 ariko yiyereka abigishwa biwe , yarangije asengera abipfuza guhura na Yesu akabiyereka.
UMWANYA W’AMATANGAZO
Apôtre NURU NIYONKURU yasomeye amatangazo yibutsa ishengero ko mundwiza bozoba bafise igikorane c’imisi itandatu kizoremeshwa n’umukozi w’Imana azoba avuye mu gihugu kibanyi c’u Rwanda.
Yavuze ko hazobaho no kwegera amaze y’umwami yesu kristo kumusi wa gatandatu. Yabibukije programu yose y’ukwezi maze ashimira ishengero ryose arisengera arisabira umugisha maze ritahana umunezero hari isaha zitandatu n’iminota mirongwitatu (12h30’) mu masaha y’iburundi no murwanda.
Paradise.rw biciye kuri Ambasaderi wayo mu Burundi Ev. Furaha NAHIMANA MUGISHA niho azoba yibereye kugira muzoshobore kumenya uko igikorane kuzoba kiriko kiragenda ku musi ku musi.
Iburundi turabakunda cyane kndi muduha amakuru meza