New Life choir yavutse mu 2016, ifite abaririmbyi 25. Ikorera ivugabutumwa mu Karere ka Kayonza, mu Ntara y’Iburasirazuba.

Aba baririmbyi bageze kure imyiteguro yo kumurika Album ebyiri mu gitaramo kizitabirwa n’amakorari atandukanye hamwe n’umuhanzi ufite ubumuga bwo kutabona witwa Epimaque Ndayisaba.

Mu kiganiro na Paradise.rw, Perezida wa Korari New Life Bwana Habanabakize Damien yadutangarije ko ku isabato tariki ya 18 Gashyantare 2023 bafite igikorwa cyo gushyira ku mugaragaro imizingo ibiri y’indirimbo ariyo "HABWIMPUNDU" y’amashusho ndetse na "YARATSINZE" y’amajwi.

Yatubwiye ko batumiye Korari zitandukanye nk’izava mu mujyi wa Kigali yitwa Umuryango w’inyenyeri ya Kabusunzu na Korari Ibyaremwe Bishya, tutibagiwe na bakuru babo bigiye ku birenge aribo Korari Vuzimpanda Family ndetse n’umuhanzi witwa Epimaque Ndayisaba ukirigita inanga atabona.

Tuzakomeza kubagezaho iby’iki gikorwa.

Epimaque Ndayisaba azaririmba muri iki gitaramo

Umuryango w’inyenyeri ya Kabusunzu

Iki gitaramo kizaba muri uku kwezi