Oscar utuye muri Kenya, iyo ari mu Rwanda asengera muri ADEPR. Mu gihe muri Kenya ho asengera mu rindi torero ryitwa KFF. Avuga ko inzira ari ya yindi yo kwizirika umukandara mu gushaka imibereho n’uburyo bwo gukora muzika.

Atangaza ko bisaba gushakisha uburyo ukora ’Audio’ rimwe na bikanga "mufite indirimbo nyinshi" mu gakayi, ubundi wanasoza ’Audio’ ugasanga gukora ’Video’ nabyo bibaye ikindi kintu cy’ingutu. Ibi biri mu bintu benshi bakunda kuvuga ko bikigoye urugendo rwa Muzika yo mu Rwanda

Oscar akomeza asobanura ko ubusanzwe yari umwe mu bahanzi bakoranye imbaraga nyinshi kugira ngo agere aho ageze . Yagize ati "Mu by’ukuri aho navuye ni kure,.. kandi n’aho ngeze mu gihe nk’iki nubwo atari ho nifuza kuba ndi ariko ni heza cyane rwose"

Ubu amaze gukora Audio zikabakaba 30 ndetse na Video 2 ariko akaba ahugiye ku yindi Video imwe. Yagize ati: "Indirimbo mperuka gukora yitwa nzabana nawe, iri kuri channel yanjye yitwa "Ishyangaryera Oscar official", gusa ndimo gutunganya amashusho y’indirimbo nshya yitwa "Umucunguzi wanjye ariho".

Tumubajije ku muziki wo mu Rwanda uko yawutandukanya n’uwo muri Kenya, yavuko Gospel ya Kenya iri ku rwego rwiza akurikije ahandi ndetse ngo ivugabutumwa rihabwa agaciro cyane.

Oscar aracyari ingaragu itazabitindamo kuko ngo ari kubiteganya bya vuba. Akaba aheruka indirimbo yitwa "Nzabana nawe" iri kuri shene ye ya Youtube. Ubu ahugiye mu gutunganya amashusho y’indirimbo nshya yitwa "Umucunguzi wanjye ariho" nk’uko twabikomojeho haruguru.

RYOHERWA N’INDIRIMBO YE "NZABANA NAWE"