Mu buryo butangaje kandi butamenyerewe mu mateka y’ivuka ry’abantu, umwana wavutse vuba aha yabonye izuba afite mu kiganza agakira ko mu kuboko ko kuboneza urubyaro (IUD) nyina yari yarishyizemo mu rwego rwo kwirinda gusama.
Amafoto yafashwe n’abaganga ubwo uyu mwana yavukaga yahise akwirakwira ku mbuga nkoranyambaga ku isi hose, benshi bavuga ko ari igikorwa cy’Imana, abandi bavuga ko ari ubutumwa butanga icyizere.
Uwo mwana yari afite mu kiganza ako kuboneza urubyaro kazwi nka IUD (Intrauterine Device), kakaba ari agace gato gashyirwa mu mura w’umugore kugira ngo kamufashe kwirinda gusama.
Nubwo kari kari mu gice cyagenewe gukumira intanga, kaje kwimuka kandi ntikakora neza, maze nyina arasama. Uwo mwana rero yavutse agafashe mu kiganza, nk’aho ari ko kashakaga gutuma atabaho, bituma iyi nkuru ifatwa nk’igitangaza n’abatari bake.
Nk’uko bitangazwa n’abaganga, nyina w’umwana yari yaratewe IUD (Intrauterine Device), bumwe mu buryo bwo kuboneza urubyaro bufite ubushobozi burenga 99% bwo kwirinda gusama. Ariko muri ubu buryo budasanzwe, iyo miti yataye agaciro, umwana aravuka, ndetse avuka ayifashe mu ntoki nk’aho ari ubutumwa atwaye.
Abaganga basobanura ko n’ubwo gusama uri ku IUD bishoboka gake cyane, bishobora kubaho iyo ako gakoresho kagize ikibazo nko kwimuka cyangwa kutaguma aho kashyizwe. Iyo bibaye, hashobora kubaho gusama n’ubwo biba bikiri ku kigero cyo hasi cyane.
Uyu mwana waje ku isi mu buryo budasanzwe yahise yitwa amazina menshi ku mbuga nkoranyambaga, bamwe bamwita "Umwana w’Intsinzi", abandi bati "Impano iturutse mu ijuru". Ubutumwa bwinshi bugaragaza ko nubwo ikoranabuhanga ryateye imbere, hari igihe ubuzima bwihitiramo inzira zabwo, bikaba nk’aho Imana ubwayo ibishyizemo ukuboko.
Ababyeyi be basabye ko amazina ye n’ibindi birambuye bigirwa ibanga, ariko bavuga ko "babibonye nk’igitangaza", kandi ko bishimiye uwo mwana waje atunguranye ariko akaza mu isi nk’umunyamugisha.
Iyi nkuru ihamya ko n’ubwo imibare n’ubumenyi byakwemeza ibintu ku kigero cya 99%, hari igihe ubuzima ubwabwo bukwihitiramo. Iyi nkuru iributsa abantu bose ko hari igihe ibitashobokaga bihinduka impamo, kandi ko ubuzima ari impano idakwiye gufatwa nk’ibintu bisanzwe.
Inkuru yavue kuri Instagram ya famous.pulse, ibi bikaba byarabereye muri Brazil.
Umwana yavukanye ako kuboneza urubyaro kari karashyizwe mu mubyeyi we, bituma abenshi bahamya ko umwana wavutse kandi nyina yaraboneje urubyaro ari Imana yashatse ko abaho
