Abakunzi ba Siporo bahanze amaso mu Bwongereza ku mukino ufatwa nka Final ya Premier League uri buhuze Manchester City na Arsenal mu Ijoro ry’yu wa Gatatu.
Mu gihe uyu mukino ubura iminota micye ukaba, Paradise.rw yabashije kubona ibyatangajwe n’umupasiteri w’icyamamare muri Africa, wavuze ko Imana yamubwiye uko umukino wa Man City na Arsenal uri bugende. Ni nyuma yo guhanurira Chelsea bigasohora.
Pastor Primate Babatunde Elijah Ayodele, Umushumba Mukuru w’Itorero INRI Evangelical Spiritual Church, yavuze ko azi neza uko uyu mukino uri bugende. Ni umukino uhuza amakipe abiri ya mbere muri Shampiyona y’u Bwongereza.
Man City ya kabiri n’amanoa 70 irakira ku kibuga cyayo Arsenal ya mbere n’amanota 75 ku rutonde rw’agateganyo. Amahirwe menshi kuri uyu mukino wo kuri uyu wa 26 Mata 2023, ari guhabwa Man City hagendewe ku myaka 8 ishize itarabasha gutsndwa na Arsenal muri shampiyona.
Bishop Primate Eliya Ayodele yavuze ko afite ubuhanuzi bw’ibyo yabwiwe n’Imana. Ukurikije ibyo Imana yahishuriye Primate ku byerekeye umukino, niba Man City idatsinze Arsenal mu minota 65 cyangwa 68 y’umukino, Man City iratsinda Arsenal kandi iyandagaje.
Ibyo Bishop Ayodele yatangaje birumvikanisha ko amahirwe menshi yo gutsinda ari kuri Manchester City, gusa Arsenal nayo ikaba ifite amahirwe yo gutsinda mbere y’iminota 75 kuko iyo minota nirangira itaratsinda igomba kwitegura imvura y’ibitego.
Pastor Primate wo muri Nigeria yakomeje ubuhanuzi bwe avuga ko niba Mike Arteta utoza Arsenal akomeje gukina imikino akoresheje amayeri amwe, ingorane zizavuka kuri uyu mukino na Man City.
Uyu mukozi w’Imana aherutse guhanura ko Chelsea izatsindwa umukino wa Champions League na Real Madrid mu gihe cyose Frank Lampard akiri umuyobozi wa Chelsea.
Ibi ni ko byagenze kuko Real Madrid yasezereye Chelsea muri 1/4 ku giteranyo cy’ibitego 4-0. Icyo gihe yaragize ati: "Lampard ni icyorezo kandi ntakwiriye kuba umutoza wa Chelsea."
Arsenal na Manchester City nizo zihataniye igikombe cya shampiyona
