Abakunzi b’indirimbo zo kuramya no guhimbaza Imana bategereje igiterane cy’amateka cyateguwe na Elayono Choir ikorera umurimo w’Imana mu itorero rya ADEPR Paroisse ya Gatenga.
Iki giterane cyiswe "Tuzakorera Uwiteka Live Concert" cyatangijwe kuri uyu wa Gatanu tariki ya 12 Ukuboza kikazasozwa ku Cyumweru tariki ya 14 Ukuboza 2025, kikaba kigamije guhuriza hamwe abizera mu mwuka wo gushima no gukomeza umurimo w’Imana mu buryo bwagutse.
Ni umugisha ukomeye ku bantu batuye mu gatenga no mu nkengero zayo dore ko iki ari igihe cyiza cyo kwegerana ndetse no gusabana n’Imana binyuze mu ndirimbo nziza zo kuramya no guhimbaza Imana ndetse no kumva ijambo ry’Imana.
Elayo Choir izwiho kurangwa n’umwuka w’ibyishimo ikazataramana na Siloam Choir ibarizwa mu itorero rya ADEPR Kumukenye, ikaba imwe mu makorali ya mbere mu gihugu mu buryo bw’imiririmbire ndetse n’imyandikire myiza y’indirimbo doreko abaramyi bakunzwe nka Bosco Nshuti na Jado Sinza bakuriye mu maboko meza yayo.
Muri Iki giterane, Mwuka wera yatanze ijambo ry’Imana riboneka muri Yosuwa 24:15 ho insanganyamatsiko hagira hati"ariko njyewe n’inzu yanjye Tuzakorera Uwiteka.
Elayo Choir na Siloam Choir zigiye gufatanya gushyira abizera mu mwuka wo gushima Imana
