Kubona ko ufite inenge ishobora gutuma abandi bagusuzugura cyangwa bakwima agaciro birababaza, ariko nanone si iherezo. Dore ibintu 7 by’agaciro wakora kugira ngo ugire umutima unyuzwe, nubwo waba ufite inenge cyangwa ubabazwa n’uko abandi bakwita:
1. Menya ko Imana iguha agaciro — Inenge yawe ntiyagukuraho urukundo rwayo “Uwiteka abona ibindi byose ariko areba umutima” (1 Samweli 16:7). Abantu bareba igaragara (kumugongo, ku isura, ku bwenge, ku mibiri, ku mateka y’ubuzima...), ariko Imana ibona indangagaciro z’umutima wawe. Nta nenge ishobora gutuma Imana iguhakana. Wowe uhumure.
2. Reba inenge yawe nk’amahirwe yo kurushaho kwegerana n’Imana
Hari igihe Imana yemera ko hari icyo utakira kugira ngo urusheho kuyegera, ukamenya ko iyo udafite byose ariko ufite Imana, ufite byose. Intumwa Pawulo yaravuze ati: “Nishimira intege nke zanjye... kuko ubwo ndi intege nke, ni bwo mba mfite imbaraga.” (2 Abakorinto 12:9–10)
Inenge yawe ishobora gutuma uca bugufi, ukabaho uzi neza ko Imana ari yo shingiro rya byose — ibi ni umukoro ukomeye wo kwizera.
3. Ihangire agaciro kuruta kwishingikiriza ku kwemerwa n’abandi
Ntushobore guhindura uko abandi bakubonamo, ariko ushobora guhitamo uko wiyumva, n’uko ubyitwaramo. Ushobora kuba udafite amaguru, cyangwa ijwi, cyangwa ururimi, cyangwa ubwiza bw’isura — ariko ugasigara ufite umutima ususurutse kandi uzira ishyari, uzira inzika, wuzuye urukundo.
Iyo utangiye kwihesha agaciro mu byo ushoboye, mu bitekerezo byawe no mu kwizera, umutima wawe utangira kunyurwa.
4. Menya ko inenge yawe itavuze iherezo rya byose
Ntukishingikirize ku byo utari byo. Shyira imbaraga mu byo ushoboye. Haranira kugira umutima wumva abandi, ukunda gusenga, umenya kumva inama, ufite umutima wo gucisha macye. Bizagufasha cyane.
