Mu butumwa yanyujije ku mbuga nkoranyambaga ze mu minsi ishize, Mwalimu w’Urukundo ari we Muzehe Xavier, yagize ati "Amahoro y’Imana, nshuti zanjye! Buri cyumweru, nuzuza igiseke cyanjye cy’urugendo, imbuto ya Roho Mutagatifu ari yo Urukundo, Ibyishimo, Amahoro, Kwihangana, Ubugwaneza, Ubuntu, Ubudahemuka, Imico myiza, Kumenya kwifata. (Abanyagalati 5, 22-23).

Kubera ko muri abasangirangendo, mbatumiye gufata kuri iyo mbuto mu biyigize binyuranye. Ntabwo ijya ishira ngo n’uko abantu bayihereje, ahubwo irushaho kwiyongera. Dusangire kivandimwe. Icyumweru cyiza kuri buri wese".

Tariki 03 Ukwakira uyu mwaka nabwo yasangije abantu abagambo abifuza ukwezi gushya batangiye. Ati "Bavandimwe, bana, nshuti nkunda, ndabaramutsa mbifuriza, ko uku kwezi gushya k’Ukwakira, amahoro y’Imana abaturamo, abasabamo, abasendera, maze akagera kuri buri wese muzahura na we n’ibindi biremwa muzahura na byo. Twunge ubumwe mu mugambi w’amahoro kuri bose, amahoro kuri byose. Ndabakunda mwese".

Ngarambe n’umufasha we

Ngarambe François-Xavier ukomeje gusangiza abantu impano y’Urukundo, aherutse kwizihiza isabukuru y’imyaka 29 amaranye n’umufasha we Yvonne. Tariki 10 Nzeri 2022 yaranditse ati "Sinarara ntabasangije inkuru nziza ko uyu munsi, Yvonne-Solange nanjye twizihije imyaka 29 tumaze dusereranye imbere y’amategeko ya Repubulika y’u Rwanda.

Nubwo twatangiye kubana ku wa 1/1/1994, tumaze guhana isakramentu ry’ugushyingirwa, kuva uwo munsi wa 10/9/1993, u Rwanda rwatubaze mu ngo zirubereye umusingi w’amajyambere y’ingeri zose, zirubereye umutako ubengerana urukundo.

Turarwizeza ko tutazatezuka ku nshingano zacu, ko tuzakomeza kubakira ku Rutare kugira ngo imiyaga n’imivu aho yava hose, ntizadusenyere urugo, butyo u Rwanda ruhore rukomeye, rubengerana urukundo. Turashimira buri wese inkunga adutera mu butumwa bw’urukundo twahamagariwe! 10/9/1993: 29 ans de notre mariage civil! Notre pays peut compter sur nous!".

Xavier agufiye impano