Koperative y’abahinbzi b’umuceri ya Coproriz ntende irimo kwagura ibikorwa byayo bya hoteli mu rwego rwo kurushaho gutanga serivise nziza ku bakiriya bayo no kubegereza serivise nziza kandi yihuse.
Coproriz Ntende ni koperative y’abahinzi b’umuceri n’ibigori bahinga mu gishanga cyatunganyijwe cya hegitari 900. Hegitari 600 zihingwaho umuceri naho hegitari 300 zigahingwaho ibigori ahantu hatagera amazi neza.
Iyi koperative ifite ibikorwa bitandukanye by’iterambere birimo hoteli ya Ntende ifite inyenyeri 2 ifite ibyumba byakira abayigana bigera kuri 27, biteganyijwe ko ibikorwa byo kwagura nibirangira izaba ifite ubushobozi bwo kwakira abantu 47 ku ijoro.
Koperative y’abahinzi ya Coproriz Ntende ifite abanyamuryango 3,762 barimo abagore 1,382 n’abagabo 2,380.
Src: Gatsibo.gov.rw
