Korali Goshen ni imwe mu makorali ari gukora cyane muri iyi minsi dore ko kuri uyu wa 24 Kamena 2024 yashyize hanze indirimbo bise "Kwirembo".

Iyi ndirimbo yitwa iri kuri volume y’indirimbo 5 iyi korali yakoze mu buryo bwa Live recording yitwa "Twarababariwe".

Ubu hamaze kujya hanze indirimbo eshatu, muri zo harimo "Noheli", "Uhoraho", ndetse n’iyi imaze kujya hanze bise "Kwirembo" iri gufasha imitima ya benshi.

Mu kiganiro na Paradise, umutoza w’iyi korali yagize ati: "Goshen Choir turi kubategurira igiterane cy’ivugabutumwa kizaba kuva 19,20,21 Nyakanga 2024. Kizabera muri paroisse ya Remera ku itorero rya Kibagabaga aho iyi korali ibarizwa mu busanzwe , tukaba tuboneyeho kubatumira rwose."

"Muri icyo giterane kandi tuzahuriramo n’abakunzi bacu live tubaririmbira zimwe mu ndirimbo zacu mwakunze ndetse n’izindi nshya zizafatirwa amashusho (live recording). Tuzaba turi kumwe n’abakozi b’Imana batandukanye harimo korali yo kuri paroisse ya Gahogo yitwa Itabaza."

Korali Goshen yatangiye umurimo w’Imana mu mwaka wa 1996 , itangira ari korali y’ababyeyi gusa, uko ibihe byagiye bihinduka hagiye hazamo n’urubyiruko.

Korali goshen ikomeje ivugabutumwa mu bihangano byabo byiza bikora kumitima ya benshi