Paradise.rw yabonye amafoto y’ubukwe bw’umuramyi Olive Umutesi n’umukunzi we Mugabo usanzwe ari umufotozi w’umuhanga.
Amafoto y’aba bombi twayakuye kuri Instagram zabo. Ni amafoto meza cyane kandi birumvikana kuko Mugabo wa Olive afite kompanyi ikomeye ikora mu bijyanye no gufata amashusho. Mugabo avuga ko ari ’Professional Photographer’ ni ukuvuga gafotozi w’umwuga.
Umutesi Olive umaze imyaka 2 gusa mu muziki, ni umwe mu baramyi bo mu kiragano gishya bari gutanga icyizere cy’ejo heza mu muziki wo kuramya no guhimbaza Imana (Gospel). Yamamaye mu ndirimbo "Nkoresha" na "Ubana Gute n’Abantu".
Kuri ubu Umutesi na Mugabo bari kwitegura kubana akaramata. Nasigaje gusezerana imbere y’Imana dore ko amategeko ya Leta y’u Rwanda yo yamaze guha umugisha kubana kwabo nyuma y’uko aba bombi babyemeje indahiro.
Olive Umutesi wifuza gukora umuziki ku rwego mpuzamahanga, yatangiriye umuziki mu Karere ka Gicumbi aho yari atuye, ariko ubu asigaye atuye muri Kigali. Impano ye mu kuririmba yamuritswe Label ya S-QUARE NY y’abasore babiri bavukana batuye i New York muri Leta Zunze Ubumwe za Amerika.
RYOHERWA N’INDIRIMBO "UBANA GUTE N’ABANTU"
Byari umunezero usendereye ku munsi w’ubukwe bwabo
Olive Umutesi yifuza gukora umuziki ku rwego mpuzamahanga
RYOHERWA N’INDIRIMBO "NKORESHA" YA OLIVE UMUTESI
