Umuhanzi Sibomana Placide uzwi ku mazina ya Voice yatangiye kuganuza abakunzi be indirimbo nshya yitwa "Nitasimama" itaramara icyumweru igeze ku mbuga nkoranyambaga. Ni imwe muri 25 mu zo yinjiranye mu ruhando rw’umuziki w’indirimbo zihimbaza Imana.
Umuhanzi Voice usengera muri ADEPR Gihaya mu Murenge wa Gihundwe mu Karere ka Rusizi yaganiriye n’umunyamakuru wa Paradise amusangiza amwe mu magambo akubiye mu gihangano cye wanasanga kuri YouTube channel ye.
Voice yagize ati: "Uko niyumvaga mu bibazo by’iyi si ukuntu bigenda mu bantu, nanditse iyi ndirimbo mu gihe nabonaga ntacyo umuntu yabikoraho".
Voice yaririmbye mu rurimi rw’igiswahili kugira ngo asangire n’abatumva Ikinyarwanda bagerweho n’ubutumwa bubumbatiye ijambo ry’ihumure.
Umuhanzi Voice akomeza agira ati: "Ariko ku bwo kwiringira izina ry’Imana byose bizashoboka, ndirimba no mu giswahili "Nitasimama" mu kinyarwanda bivuga ngo "Nzahagarara" mu ijambo ry’Imana".
Voice ati: "Kugira ngo n’abatumva ururimi rwacu bumve ubutumwa buhumuriza imitima yabo mu giswahili kubera turi mu karere k’ibihugu by’Iburasirazuba [EAC]".
Nk’uko uyu muhanzi Voice yabisezeranyije abakunzi be nibamutera ingabo mu bitugu azajya abagezaho ibihangano mu bihe bitarambiranye. Abamutera inkunga bayinyuza kuri nimero +250784222747
Ryoherwa n’indirimbo "Nitasimama" ya Voice
Iyindirimbo ndumva inkoze kumutima pee
Yesu nashimwe kubw’umuvandimwe