Ku itariki ya 1 Kamena 2025, Itorero rya UEBR, Paruwase ya Kigali, hazabera igitaramo cy’ivugabutumwa n’isanamitima cyiswe “The Upper Room Worship Xperience 3”.
Iki gitaramo cyateguwe na Voice of Angels Family. Ni igikorwa cyo kuramya no guhimbaza Imana cyitezweho guhuza imitima y’abazitabira n’Umwuka Wera w’Imana.
Kizatangira Saa Kumi z’umugoroba (4PM) kibera ahantu hasanzwe hateranirwa mu rusengero rwa UEBR Kigali. Kwinjira ni ubuntu, bikaba byitezwe ko abantu benshi bazitabira baturutse impande zose.
Abazitabira bazataramirwa n’amatsinda y’abarrimbyi arimo Voice of Angels Family, Cornerstone Choir, na Holy Entrance Ministry, hamwe n’abacuranzi b’ibigwi nka Merci Pianiste. Ijambo ry’Imana rizigishwa n’umuvugabutumwa Ev. Ndamukunda Patrick, uzwiho ubuhamya n’ubutumwa bukangura imitima.
“The Upper Room Worship Xperience 3” si igitaramo gisanzwe, ni uburyo bwo kwegera Imana, gushima no kuvugurura umubano n’Umwuka Wera. Abagiteguye bifuza ko abazitabira bazasohoka bahinduriwe ubuzima, bafite icyerekezo gishya. Ni ibihe bidasanzwe byo kwinjira mu mwuka wo gushimira no gusenga.
Ntuzahabure
