Ku wa 15 Kanama 2025, Papa Leo XIV yicaye mu modoka ajya mu mujyi uri ku musozi wa Castel Gandolfo, aho yizihirije misa ndetse anishimira ikirere gikonje cyaho muri uyu munsi w’ikiruhuko cya Kanama.

Uyu munsi ni Umunsi Mukuru w’Ijyanwa mu Ijuru rya Bikira Mariya (Assumption of the Blessed Virgin Mary), umunsi ukomeye muri Kiliziya Gatolika kandi ufatwa nk’ingenzi mu biruhuko by’icyi gihe cy’icyumweru cya Kanama mu Butaliyani. Papa Leo XIV yayoboye misa muri Paroisse ya Saint Thomas wa Villanova, ahantu hazwi mu Karere ka Castel Gandolfo.

Kuri iki Cyumweru, Papa ateganyijwe kujya mu mujyi uherereye hafi wa Albano kugira ngo ayobore misa muri Sanctuaire ya Santa Maria della Rotonda, ikaba ari imwe muri kiliziya zikomeye z’akarere.

Ibiro bya Vatican byatangaje ko Papa azagaruka i Vatican ku wa 19 Kanama 2025 nyuma y’icyumweru cyo kuruhuka no kuyobora ibirori bya kiliziya mu karere k’akarere ka Lazio.

Uyu munsi w’Izamuka rya Bikira Mariya ufatwa nk’umunsi w’ibyishimo ku bakirisitu benshi, aho basaba ko Umubyeyi Mariya abavuganira ku muremyi ndetse banizihiza umuhate we mu buzima bwa Kiliziya.

Papa Leo XIV yizihirije Umunsi Mukuru w’Ijyanwa mu Ijuru rya Bikira Mariya i Castel Gandolfo

Kwibuka ijyanwa mu ijuru rya Bikira Mariya bikorwa muri Kiliziya Gatolika buri wa 15 Kanama