Paradise.rw yaguteguriye incamake y’amateka ya Apotre Apollinaire

Urugendo rwa Apollinaire muri Gospel rwabaye urugendo rw’amahoro n’imigisha mu karere u Rwanda rurimo kuko afatwa nk’inkingi ikomeye mu kubaka no gushyigikira gahunda yo kuramya no guhimbaza cyane cyane mu Burundi-Rwanda ndetse no mu karere.

Mu myaka yashize yamenyekanye nk’igifi kinini ku isi yose ndetse atembera amahanga agiye kuyobora ibiterane no gufasha imitima myinshi mu mwanya wo kuramya no guhimba (Worship Leading).

Nta alubumu n’imwe ye itarakunzwe ndetse nta n’indirimbo ye n’imwe itarakoreshejwe mu matorero ya gikristo mu Burundi cyangwa mu Rwanda kuko ari indirimbo zikoretse neza ziryoshye kandi zifite amagambo ahembura imitima ku rwego rwo hejuru.

Ibi biri mu byamuzamuye mu ntera kuko indirimbo ze zashoboye guterura no kuzamura amatsinda menshi yo kuramya no guhimbaza (Worship Teams) aho kugeza n’ubu udashobora kubura kuri gahunda indirimbo ye cyangwa ebyiri kuri gahunda y’abaramisha.

Nyamara si ukuririmba gusa kuko yigishije abaramyi benshi, abandi bakurira ku birenge bye ndetse bamwe ntibahwema kubyivugira ko bakurikije impuguro yabagiriye.

Akimara kuba umushumba yahugiye mu mirimo itandukanye ari na ko yazamuye abandi baramyi mu itsinda rye rizwi nka Shemeza ndetse no mu itorero Life Center, ubu bikaba bivugwa ko atakiribazizwamo, ko yashinze irindi mu gihe gito gishize.

Yamenyekanye ku ndirimbo nyinshi ariko reka tubibutse nkeya muri zo nka: Negereye intebe, Emmanuel, Ukwiye amashimw, Nama ntangara, Ndacyafise impamvu, n’izindi....

Acuranga ibikoreshe bya muzika bitandukanye birimo Piano ndetse kuri ubu anacuranga Saxophone.

Muri make uwo ni we Apollinaire utegerejwe mu giterane "4th Septenna Celebration" cyateguwe na Evangelical Restoration Church. Uyu mukozi w’Imana azaba ari i Masoro kwa Apostle Masasu kuri uyu wa Gatandatu tariki 15 Ukwakira 2022.

Apotre Apollinare agiye kuza mu Rwanda

Apotre Apollinaire agarutse mu Rwanda ku butumire bwa Restoration church