Apotre Dr. Paul Gitwaza uyobora Zion Temple ku Isi yanyujije kuri Instagram ubutumwa bwifuriza abantu bose umwaka mushya muhire wa 2023 wo "gusimbuza ibya kera mo ibyiza".
Ubutumwa bwe bwaherekeje ifoto ari kumwe n’umuryango we. Buragira buti:
Jyewe n’umufasha wanjye, n’abana bacu hamwe na AWM//ZTCC tubifurije wowe n’umuryango wawe n’Umwaka mwiza 2023.
Umwaka wo gusimbuza ibya kera mo ibyiza. Uzakubere umwaka wo komatana n’Uwiteka. Umwaka w’ikitegererezo kuri wowe n’umuryango wawe.
Uwiteka azabarindire mu buntu bwe, azayobore intambwe zanyu, azahe umugisha imirimo y’amaboko yanyu.
Uwiteka azakuremere ikintu gishya mu buzima bwawe, kuko uzaba umwaka w’indirimbo nshya, iterambere rishya, ikiruta byose uzongera kwishimira agakiza n’Uwiteka Imana yawe.
Uwiteka aguhe umugisha kandi agushumbushe ibyo watakaje byose.
Muri uku kwezi uwiteka azaguha inshuro nyinshi zibyo watakaje. Umutima wawe uzanezezwa n’imirimo y’Uwiteka. Uzahindurirwe umwambaro wa kera mu mushya.
Itangiriro 41:14, Luka 5:36, Zekariya 3:3-4
Ndasabira gusimbura kuza ku umuryango wawe, igihugu cyawe, ndetse n’itorero ryawe.
Ndabifuriza umugisha wo kuramba, kugira amahoro, n’amagara meza.
Nkwifurije urugendo rwiza muri uyu mwaka wo GUSIMBURA
Ndabakunda, Uwiteka abahe umugisha
