Abatoza benshi n’abakinnyi b’umupira w’amaguru n’indi inyuranye yaba abo mu Rwanda no hanze yarwo, bizera ibinyoma byabashyira mu kaga, aho bakina bizeye amarozi nk’iturufu y’intsinzi.

Ubu ntabwo hacyumvikana cyane abakinnyi n’abatoza bajya mu bapfumu, ibintu wavuga ko bishobora kuba byaragizwemo uruhare na bamwe mu batoza bakiriye agakiza barimo Cassa Mbungo Andr, Kayiranga Baptiste na Eric Nshimiyima.

Nyuma yo gukizwa, aba batoza batangiye kujya basenga mbere y’uko bategura umukino ndetse n’amarushanwa. Ibi byabafashije kugera ku musaruro uhagije kubera gusenga, ndetse abakinnyi nabo bagashyira mu bikorwa ibyo babaga bigishijwe n’aba batoza.

Ni mu gihe mbere byasabaga ko bahuza cyangwa bakatwa ku mushahara amafarnga baha abapfumu. Gukorana n’abapfumu, byahoraga biteza umwuka mubi mu makipe yabo, ngiyo bombori bombori mu itangazamakuru yakururwaga ahanini n’abaga batsinzwe cyangwa babuze intsinzi bijejwe n’abapfumu.

Kuki abatoza bamwe bihisha ntibagaragaze ko bakijijwe ngo bahamye Imana mu bo bayoboye dore ko baba bafite imbaga y’abaje kureba umupira kimwe n’abakurikiye ku maradiyo na television?

Mu busesenguzi bw’umunyamakuru wa Paradise.rw, ni ko benshi batinya ko batahabwa akazi kuko benshi mu bayobozi b’ayo makipe n’abafana bayo, batizerera mu myuka y’ubupfumu, ikindi bakaba banatsindwa kandi batanze ibyabo.

Inkuru nziza ni uko Kayiranga Batista na Eric Nshimiyima baherutse kugirirwa icyizere na Ministeri y’Umuco na Siporo kuyobora Amavubi (Ikipe y’igihugu y’abatarengeje imyaka 17 na 20’. Aba batoza bombi bahuriye ku kuba ari abahanga cyane kandi bakaba barakiriye agakiza.

Eric, Cassa na Baptiste bazanye impinduka muri siporo