Minisiteri y’Uburezi (MINEDUC) yatangaje amanota y’ibizamini bisoza amashuri yisumbuye ivuga ko muri rusange abanyeshuri batsinze neza kuko mu byiciro byose byatsi hejuru ya 90%. Yatangaje aya manora kuwa Kane tariki ya 15 Ukuboza 2022.

Umunyamabanga wa Leta muri Minisiteri y’Uburezi ushinzwe Amashuri abanza n’ayisumbuye, Twagirayezu Gaspard, yatangaje ko muri rusange abanyeshuri batsinze neza ku kigero gishimishije kandi mu byiciro byose.

Minisiteri y’Uburezi yatangaje ko mu masomo y’uburezi rusange abakoze ibizamini bya Leta ari 47 379, abatsinze ni 44 818 bangana na 94.6%.

Mu mashuri ya tekinike, abakoze ibizamini bya Leta ni 21 227, abatsinze bangana na 20 752, bahwanye na 97,8% naho mu mashuri nderabarezi, abakoze ibizamini bose ni 2 895, abatsinze ari 2 892, bangana na 99,9%.

Muri uyu mwaka abakandida bakoze ibizamini bya Leta mu bumenyi rusange bari 46 125, mu mashuri y’imyuga n’ubumenyingiro (TVET) ari 19 916, na 2 891 mu nderabarezi (TTC).

Abakandida bigenga mu bumenyi rusange bari 10 481, mu mashuri y’imyuga n’ubumenyingiro (TVET) ari 1424 naho mu mashuri nderabarezi (TTC) ari 16.

Abatsinzwe ibizamini mu mashuri y’ubumenyi rusange basaga 2 000 bagize 5%, mu mashuri ya tekinike ni 2% naho mu nderabarezi ni 0.1%.

Minisiteri y’uburezi ivuga ko mu batsinze, abakobwa mu mashuri y’ubumenyi rusange barushije abahungu kuko abakobwa batsinze ari 23,978 bangana na 50.6%, mu gihe abahungu ari 44%.

Mu mashuri ya tekinike, batsinze neza kuruta abakobwa kuko bagize 52.6%, abakobwa bagira 45.2%, naho mu mashuri nderabarezi (TTC) abakobwa ari 60.3% naho abahungu bakaba 39.6%.

Umunyamabanga wa Leta muri Minisiteri y’Uburezi Ushinzwe amashuri abanza n’ayisumbuye, Twagirayezu Gaspard, yashimiye abanyeshuri bitwaye neza mu bizamini, abarimu ndetse n’ababyeyi.

Ati"Ndashimira cyane abanyeshuri bize bashyizeho umwete bagatsinda neza ibizamini bya Leta nkanashimira ababyeyi babaherekeje mu myigire yabo, ndetse n’abarezi hamwe n’abadufashije mu bijyanye n’ikoranabuhanga kuko nabyo biri mu byo twitayeho cyane kugira ibizamini bikorwe neza.”

Umunyamabanga wa Leta muri Minisiteri y’Uburezi ushinzwe Ikoranabuhanga n’Amashuri y’Imyuga n’Ubumenyingiro Irere Claudette, yashimye abanyeshuri batsize neza anavuga ko mu mashuri y’imyuga n’ubumenyingiro babazwa ibintu bitandukanye bitewe n’ishami umuntu yakurikiye.

Ati “Uwiga Ubukerarugendo ntiyahabwa ikizami kimwe n’uwize ubwubatsi babazwa bitewe n’ibyo bahisemo kwiga, niyo mpamvu bahabwa ibizamini hakurikijwe ibyo bize.

Center for Champions TSS yatsindishije 100% ni Ishuri ryiza rygisha Tekiniki n’ubumenyingiro rya AEE-Rwanda rifashwa na Leta ku bw’amasezerano riherereye mu karere ka Rwamagana, Umurenge wa Muhazi imbere ya AVEGA-AGAHOZO ku muhanda wa Poids Lourd.

Rishimirwa kuba ryarafashije abana batishoboye kwiga amashuri y’imyuga ku buntu

Ni Ishuri ryatangiye ku wa 27/05/2008 nk’ishuri ryigenga ryitwa Center for Champions rigafasha abana batishoboye kwiga amashuri abanza rikanabigisha imyuga itandukanye aho abanyeshuri benshi banyuze muri iri shuri ubu bahagaze neza ku isoko ry’umurimo mu myuga bize.

Mu mwaka wa 2018 nibwo ishuri ryatangiye gufatanya na Leta ku bw’amasezerano rihita ryitwa Center for champions TVET aho guhera icyo gihe ryakira abanyeshuri boherejwe na Leta batsinze ikizamini cya Tronc Commun bakiga L3(S4), L4(S5) na L5(S6) bakarangiza bajya gukora ibyo bize ku isoko ry’umurimo cyangwa bagakomereza muri Kaminuza.

Kugeza ubu ishuri ryigisha amashami( Trades) akurikira:

1.Building construction ( Ubwubatsi)
2.Manufacturing technology ( Gukora ibikoresho bigezweho)
3.Plumbing technology ( Gukora no gukwirakwiza mazi)
4.Electrical technology ( Amashanyarazi)
5.Fashion Design (Imideri)
6.Hair Dressing( Gutunganya imisatsi)

Ishuri Kandi ritanga n’amasomo y’igihe gito( Short courses ) z’amezi atatu,atandatu ndetse n’umwaka muri buri shami ishuri rifite( Trades) ku wubishaka wese.

Umuyobozi w’iri Shuri Bwana HABYARIMANA Canisius yavuze ko kuba abanyeshuri bose bakoze ibizamini bya Leta bisoza amashuri yisumbuye 2021/2022 ku nshuro ya kabiri ishuri rikoze, bakongera gutsinda 100% aho abanyeshuri bagera ku icumi muri 60 bakoze bujuje ikizamini bakagira 60/6;

Naho abasigaye nabo abagera kuri 31 bakagira amanota ari hagati ya 50 na 59/60 naho 19 basigaye bakagira hagati ya 30 na 49 mu mashami yakoze ariyo Masonry, Welding na Plumbing, bikomoka ku gukorana ubushake biva ku bufatanye bw’abarezi ba CFC TSS;

Hashingiwe ku mikoranire myiza n’ubuyobozi bw’Akarere ndetse na AEE-Rwanda by’umwihariko mu gukurikirana imikorere y’ishuri nka nyiri kigo bigatuma ishuri riharanira kuba ku isonga mukarere, mu ntara ndetse no kugera kurwego rw’igihigu bikaba biri kuza neza.

Umuyobozi w’iri shuri yasoje ikiganiro twagiranye yizeza abagana iri shuri Service nziza kuri buri rwego mu kigo abereye umuyobozi anasoza aha ikaze buri wese wifuza kuharerera nk’ishuri rya Leta Kandi ryitaweho by’umwihariko na AEE-Rwanda nka nyiri ikigo.

Umuyobozi wungirije ushinzwe amasomo bwana Musafiri Jean Pierre yadutangarije ko Ishuri rya CFC TSS mu gihe gito rimaze rikoresha ibizanini bya Leta riri kugaragaza umuvuduko udakwiye gusubira inyuma kugera kure hifuzwa.

CFC TSS ni ikigo kimaze kuba ubukombe, gifatwa nka nimero ya mbere Iburasirazuba

Bigisha amashami atandukanye y’imyuga

Bashyira imbere indangagaciro za Gikristo

Kuwa Kane w’iki cyumweru ni bwo hatangajwe amanota y’abasoje ayisumbuye

Src: Kigali Today & InyaRwanda