Umugore w’umuforomo washimuswe ari hamwe n’umwana we, korera ikigo kitwa El Roi Haiti, umuryango wa gikristu usanzwe ukora ibikorwa by’ubugiraneza, ukaba warashinzwe ndetse ukaba unayoborwa n’umugabo we Sandro Dorsainvil w’umunya Haiti.
Iby’ishimutwa ry’uyu mugore wahoze aba muri Amerika mbere yo kuza gukorana n’umugabo we muri Haiti, byamenyekanye kuwa Gatandatu ushize ubwo uyu muryango EL Roi Haiti wabitangarizaga ku rubuga rwabo.
Wagize uti; "Twakwemeza ko Alix Dorsainvil, umugore w’umuyobozi wacu, n’umwana wabo bashimuswe mu gitondo cyo kuwa Kane 27th 07, 2023. Bashimutiwe mu kigo cyacu hafi ya port au Prince ubwo bari mu bikorwa n’ubundi by’umuryango wacu".
Bagakomeza basobanura uko Alix yakundaga Haiti n’abayituye; "Alix yafataga Haiti nko murugo Iwabo, n’abanya Haiti abafata nk‘abanyuryango be, yitanze atizigamye n’umuforomo ndetse nk’umwarimu mu kigo cyacu kandi byose ari ukugirango Haiti ikomeza kuba nziza".
Tusubiye inyuma gato, iby’iri shimutwa byabaye nyuma yaho uyu mugore Alix yari amaze iminsi asangije abantu uko yiyumva kuba muri Haiti anshishikariza abantu kugira uruhare mu iterambere ry’imyigire yabana babo; "intego yacu ni ugutanga uburenzi bwa nyabwo kandi bw agikristu;
Bizafasha abana kuba yabakoresha mu kuzuza umugambi wayo ku buzima bwabo. Abanyeshuri bahabwa uburezi bwiza n’indyo iboneye buri munsi hatitawe kubushobozi bw’imiryango yabo mu kubona amafaranga y’ishuri n’ibindi nkenerwa.".
Yakomeje avuga ati; "Turashishikariza ababyeyi b’abana, n’ababarera muri rusange kuba abafatanyabikorwa bahoraho b’intego nziza dufite harimo gushakira abana babo iniforume, kwitanga kw’ishuri, kwitabira inama zitegurwa n’ abanyeshuri kw’ ishuri no gushushikariza abana babo kwitabira ishuri buri munsi.’’
Abahagarariye Amerika muri icyo gihugu ntacyo bahise batangaza mu buryo bweruye ariko umuvugizi wa Amerika yabwiye El Roi Ministry ko bazi ib’iryo shimutwa kandi ko bari gukorana n’ubuyobozi muri Haiti ngo barebe ko abashimuswe bagaruka amahoro.
Iby’iri shimutwa byabaye nyuma yuko Amerika ishyize haze itangazo ribuza abanyamerika kujya muri Haiti no mu bihugu by’aba Caribbean mu itangize rigira ryiswe Level 4 Travel Advisory.
Ryagiraga riti; "Ntimujye muri Haiti bitewe n’ishimutwa rihabera, umutekano utameze neza, nibindi byose byabangamira imibereho ya muntu" - Itangazo kandi rikomeza rigira inama n’imiryango yikorera cyangwa ishamikiye kuri leta ihakorera kuhava byihuse.
Nanone mu itangazo ryo kuwa Gatandatu ushize El Roi Haïti yagize iti; "Umuryango wa El Roi urabashimira mwese ku bwo kutwitaho, kudufasha no ku bw’amasengesho yanyu mudahwema kudusabira mu bihe turimo. Turi gukomeza gushyira hamwe n’abafatanyabikorwa twizeye kugira ngo bagaruke amahoro".
Umuforomo n’umwana we b’abakristu b’abanyamerika bashimuswe
