Mu gihe hasigaye umunsi umwe gusa ngo igitaramo cyiswe Thanksgiving kibe, ubuyobozi bwa Irere Family Network bwongereye amatsinda abiri akomeye mu mubare w’abazasusurutsa umugoroba w’igitaramo cya Noheli cyatumiwemo ibihangange muri muzika ya Gospel mu Rwanda

Ku ikubitiro bari abahanzi 5 n’itsinda rimwe aribo Aimé Uwimana, Christian Irimbere, Patrick René, Chryso, Arsene Tuyi na True promises. Kuri ubu hiyongereyeho Itsinda Shekinah Dance na Shinning Stars.

Umuyobozi ushinzwe guhuza ibikorwa muri iki gitaramo yamenyesheje Paradise.rw ko ibi ari ubuntu bugeretse ku bundi. Yagize ati "Hari andi matsinda abiri yiyongeye ku bazasusurutsa Thanksgiving, ni umugisha ukomeye kandi burya ni ubuntu bwiyongeye ku bundi.. "

Iki gitaramo kiraba kuri uyu wa Gatanu 23 Ukuboza 2022 saa Kumi n’imwe zuzuye z’umugoroba kuri Kigali Convention Center & Radisson Blu, kwinjira ni ubuntu.