Mu gihe isi igenda yihuta mu iterambere ry’ikoranabuhanga, kompanyi ya Baidu yo mu Bushinwa yinjiriye mu gitekerezo gisa nk’igitangaje ariko gishoboka cyo gusobanura ibyo inyamaswa zivuga hifashishijwe ubwenge bw’ubukorano (AI).
Abenshi babona ko ibi bishobora kuba indi ntambwe yo gusobanukirwa neza n’ibiremwa Imana yaremye. Dushingiye ku nkuru ya CNN yasohotse ku wa 20 Kamena 2024, kompanyi ya Baidu yo mu Bushinwa yatangaje ko iri gukora ikoranabuhanga rishya rishingiye kuri Artificial Intelligence (AI) rizafasha mu gusobanura uburyo inyamaswa zivugana.
Uyu mushinga uzibanda ku nyamaswa zimwe na zimwe zifitanye ubusabane n’abantu cyane nk’imbwa n’injangwe. Baidu yavuze ko iri gukusanya amajwi y’inyamaswa, ikoresheje AI ikayasesengura hakoreshejwe uburyo bushingiye ku myitwarire, amagambo y’urusobe, n’ibyiyumviro byazo. Uburyo buzakoreshwa buzaba bumeze nko guhindura ururimi rw’inyamaswa mu buryo bwumvwa n’abantu.
Abahanga bavuga ko ibi bishobora gufasha abantu gusobanukirwa neza n’uko bakwiye kubana n’ibyo Imana yabashyizeho inshingano yo kurinda no kwitaho, nk’uko Bibiliya igaragaza ko abantu bahawe ubutware bwo kwita ku nyamaswa no ku isi yose.
Ubu bushakashatsi buhuza ubumenyi bwa siyansi, inyamaswa n’imitekerereze yazo (ethology), ariko kandi bukaba bugaragaza uburyo ikiremwa muntu gishobora gukoresha impano zacyo mu kurushaho kubaha Umuremyi.
Nubwo bigikomeje kugeragezwa, Baidu ivuga ko mu gihe kizaza abantu bashobora gutangira kumva ibitekerezo by’imbwa zabo cyangwa kumenya impamvu injangwe yitwara uko yitwara. Abizera bamwe babibona nk’inyungu ishobora kongera urukundo n’ubufatanye hagati y’abantu n’ibyo Imana yaremye, mu gihe ikoranabuhanga rikomeje kuba inzira yo gufasha abantu gusobanukirwa umugambi wayo wo kubungabunga isi.
Hari ababona uyu mushinga nk’utera imbere mu kumenya ibiremwa by’Imana, ariko abandi bawusobanura mu mboni za Bibiliya nk’aho ushobora kuba ugereranywa n’umunara w’i Babel (Itangiriro 11). Icyo gihe abantu bashatse guhinyuza umugambi w’Imana wo gutatana no kuzura isi, bahitamo kuguma hamwe bubaka umunara ushobora kugera mu ijuru.
Imana ibona ukwishyira hejuru kwabo, ibasobanyiriza indimi kugira ngo ibyo batekerezaga bidakomeza. Bityo, hari impungenge ko igihe ikoranabuhanga nk’iri rigerageza gusenya imipaka y’ubusobanuro hagati y’abantu n’ibindi biremwa, abantu bashobora kongera kwishyira hejuru mu buryo busa no kwibagirwa ko Imana ari yo yonyine ifite ububasha bwo gusobanura byose.
Umuntu azaba ashobora gusobanukirwa ibyo inyamaswa nk’ibwa ivuze, urugero nko mu gihe ishonje
