Bosco Nshuti akomeje gushima Imana anashimisha abakunzi be bakunda gusenga no kuramya Imana binyuze mu ndirimbo. Uyu muramyi yateguje igitaramo kizaba ku itariki 23 na 24 Ukuboza 2023, kizaba kigamije gutegura Noheri no kuyinjizamo abakunzi be bari mu mavuta.
Ni igitaramo cyiswe “Christimas Worship” kizabera mu gihugu cy’u Bubiligi aho azaba ari kumwe n’abandi barimo abapasiteri n’abahanzi bagenzi be.
Iki gitaramo cyateguwe n’abitwa Pastor Claude n’umugore we Fanny, ku wa Gatandatu kizatangira saa saba kigeze saa kumi n’ebyiri (13h00 pm- 18h00 pm), ku Cyumweru gitangire saa tanu kigeze saa kenda (11h00 am- 15h00 pm), muri Salle Elzenhof, Kerkplein 3 2650 Edegem.
Bosco Nshuti azaba ari kumwe n’abahanzi nka Elyse Bigira na Sam Rwibasira. Abapasiteri ni Pastor Nsenga Emmanuel ndetse Pastor Claude n’umugore we Fanny bazaba babakiriye.
Ku rukuta rwe Instagram rwa bosconshutiofficial yagize ati: "Are you ready to praise the King of Kings with us?” (Mwiteguye gusingiza Umwami w’abami hamwe natwe?)".
Ni mu gihe kandi uyu muhanzi akomeje gukora indirimbo nyinshi zo kuramya no guhimbaza Imana uko bwije n’uko bukeye, indirimbo ziri gukomeza gukundwa n’abatari bake.
Indirimbo aherutse gusohora vuba ni iyitwa Uwambitswe yasohoye muri uku kwezi ku itariki 6 Ukuboza, n’iyitwa Nakwitura Iki ikiri nshyashya yasohoye ku itariki 15 Ukuboza 2023.
Bosco Nshuti ni umuhanzi umaze kumenyekana mu Rwanda nk’umuhanzi uririmba indirimbo ziramya zikanahimbaza Imana.
Uretse indirimbo yakoze muri uyu mwaka, yamenyekanye ku zindi yakoze mbere yawo nka “Ibyo ntunze", "Yanyuzeho” n’izindi nyinshi ziyobora abantu mu gakiza kandi zikarushaho kubakundisha Imana.
Bosco Nshuti agiye guha Noheli Abanyaburayi
RYOHERWA N’INDIRIMBO NSHYA YA BOSCO NSHUTI
