Wari uzi ko hari umunsi umuntu atangira kwishima nyabyo? Ibyo byishimo byuzuye bitangira umunsi yakiriyeho Yesu nk’Umwami n’umukiza we. Uwo munsi ndawibuka mu buzima bwanjye muri Werurwe 1997 ubwo nakiraga agakiza nagiye i Rwamagana nkahahurira n’abana 2 bato (Teen girls of 17 and 14 Years) Imana yari yateguye ngo banyakirize agakiza.

Umuririmbyi yaravuze ngo sinzibagirwa igihe nakizwaga! Ubwo Yesu yinjiraga muri jye... ubu mu mutima wanjye ndirimba Zaburi!

Mbere yo gukizwa nta byishimo nyabyo nagiraga. Nabeshaga ubwenge bwanjye ko nishimye bivuye ku bisindisha ariko agahinda n’ubwoba binyuzuye. Ndibuka ukuntu rimwe na rimwe ubwo nabanzaga gushaka inzoga kugirango nsinzire. Hamwe n’abo twazisangiraga, ibyo twumvaga ari “ukwiha amahoro”.

Koko nasanze ari ukwiha amahoro. Ese koko yabaga ari amahoro ndyamanye? Oya kuko iyo nabyukaga narushagaho kubabara no kumenya ko mbuze Kd nkeneye amahoro. Impamvu ni uko amahoro umuntu yiha atuzuye. Ni nko kwikirigita ukisekera.

Yesu niwe utanga amahoro. Niwe uyagira. Nta mupfu ugira amahoro. Amahoro agira abazima kd ubuzima buba mu nzu Cg mu rugo rwa Data. Kubimenya byahinduye ubuzima bw’umwana w’ikirara. Yabuze amahoro, abura ibyishimo ariko asubiye kwa Se batangira kwishima.

Ndakwifuriza kugera aho ibyishimo nyabyo bitangirira: mu gakiza, kwa Data!

Umunsi mwiza kuri twese!

©️📩You can access all my daily devotions at my below Facebook page:
Bishop Dr. Fidele Masengo