Rev Jeff Hall, umushumba mu itorero rya Cochran Chapel United Methodiste Church i Dallas, yemeje ko ikibwiriza kibanda ku babyeyi ku munsi w’ababyeyi atari igitekerezo cyiza.

Yasobanuye ko mu gihe afite umubyeyi mwiza kandi ashima ibyo ababyeyi bose bakorera abana babo, gusa ngo afite impamvu kuva kera yanga gukora ikibwiriza cy’umunsi w’ababyeyi (Mother’s Day).

Ati: “Mbere mu kazi kanjye, byari byoroshye kuvuga ko impamvu zanjye nkuwize tewolojiya. Umunsi w’ababyeyi ni kimwe mu bigize ikirangaminsi cy’amadini y’Abanyamerika ariko ntabwo ari kalendari yemewe ya liturujiya, ”nk’uko bisobanurwa na Hall, umaze imyaka igera kuri 20 abwiriza ubutumwa.

Hall yavuze ko "yari azi kandi uburyo abagore bahura nibibazo, nk’umugore wanjye, twahanganye n’ubugumba cyangwa ibazo nkabagore batagira abana, cyangwa bapfushije abo bashakanye ubu barigunze".

Ubushakashatsi bwakozwe mu mwaka wa 2012 bwakorewe ku bapasitori 1.000 b’abaporotesitanti bwakozwe na Lifeway Resources, Umunsi w’ababyeyi ni umunsi nawo ku cyumweru cyawo ugaragaramo abantu benshi nyuma yicyumweru cya Pasika na Noheri.

Hall, wirinda kandi inyigisho z’umunsi wa papa kubera impamvu zisa, yabwiye Christian Post ko abandi bayobozi b’amatorero bagomba kwihitiramo niba bakurikiza inama ze cyangwa bagakomeze inzira zabo.

Yakomeje agira ati: "Ntekereza ko andi matorero, abayobozi b’amadini n’abayobozi bibiliziya, bagomba gukurikiza ukuyoborwa na Roho Mutagatifu mu gihe nk’iki."

Ati: "Nta gushidikanya, nzemera umunsi w’ababyeyi muri gahunda yo kuramya mu matangazo n’amasengesho y’abaturage. Gusa ntibizaba ingingo y’insiguro yanjye. ”

Ati: "Mu byambayeho, abantu benshi baranshimiye kuba ntabwirije ikibwiriza cy’umunsi w’ababyeyi kuruta kubyinubira."

Umunsi w’ababyeyi wizihijwe bwa mbere mu 1908 ku rusengero rwa Andrews Methodiste Episcopale Church of Grafton, muri Virijiniya y’Uburengerazuba. Byahise bihinduka ibiruhuko by’igihugu mu 1914.