Ni indirimbo yumvikanamo amagambo yo gushuima Imana ko ariyo itanga imbaraga zo gutsinda umwanzi satani by’umwihariko aba bahanzikazi bashya bakaba bavuze ko bakunda cyane abaririmbyi nka Israel Mbonyi,Vestine and dorcas,Aline gahongayire na James And Daniella.

Aba baririmbyi Ishimwe HYGETTE na Ahishakiye CYNTHIA n’itsinda ry’abahanzi b’abakobwa babarizwa mu karere ka Rubavu mu mujyi wa Gisenyi Gisenyi bakaba ari impanga,bavuga ko bazanye imbaraga mu miririmbire y’indirimbo zo kuramya no guhimbaza Imana mu ntego yo guhesha Imana icyubahiro kuzageza ku rwego mpuzamahanga maze Imana nayo ikabibaheramo umugisha w’uburyo bwose.

Itsinda rya Hygette na Cynthia ryavuze ko nyuma yo gushyira hanze indirimbo yabo bise ngo Ni Wowe, ubu bafite gahunda yo gukora indirimbo nyinshi kugeza umuziki wabo ugeze ku rwego mpuzamahanga.

Muri aya magambo iri tsinda ryagize riti: ”Turashima Imana yuko twavukiye ku ngoma y’umwami Yesu nyiri imbabazi kuko iyo tuvuka ku ngoma ya satani ubu tuba turi mu bwihebe, bityo rero mu gishimangira aya mashimwe yacu niyo mpamvu twahisemo kuririmbira Imana kandi imvi zacu zizarenda ziba uruyenzi tukiri muri uyu muhamagaro wo kuramya no guhimbaza Imana kuko rwose naho imitini itatoha n’inzabibu ntizere imbuto ntakizatuma tutishimira Uwiteka ngo dushyire hejuru izina ryayo”.

Itsinda rya Hygette And Cynthia batangiye kuririmba mu mwaka 2022 batangira bakunda kuririmba indirimbo z’abandi ndetse no mu makorali atandukanye noneho ubu muri 2024 akaba ariho bashatse ku bitangira ku giti cyabo ari no muri ubwo buryo bashyize indirimbo yabo ya mbere bise ngo “Ni Wowe”.

Aba bana b’abakobwa bavuga ko bakuze bakunda kuririmba ariko bakagira imbogamizi z’ubushobozi kuko barebaga imbaraga n’amikoro bisaba bakabona batazabibona ariko abantu bakomeza kubatera imbaraga bababwirako bafite ijwi ryiza ndetse na Mama Wabo bita Mama Ngabire uzwiho impano y’ubuhanuzi agakomeza kubasengera no kubashyigikira uko ashoboye afatanije n’umuryango none babamuritse n’impano nshya mu muziki wo kuramya no guhimbaza Imana mu Rwanda.

Aba baririmbyi babarizwa mw’itorero rya ADEPR muri Paruwasi ya Mbugangari ku mudugudu wa Ebenezel bakaba ari abanyeshuri bagiye mu mwaka wa kabiri w’amashuri yisumbuye mu rwunge rw’amashuri rwa Kanembwe mu karere ka Rubavu.

Iyi ndirimbo mu magambo baririmba ameze gutya:

VERSE 1: Niwowe Ump’imbaraga zo gutsinda
uwo mwanzi
Uribyiringiro banjye bidakoz’isoni
Nd’umugabo woguhamy’izina rye X2

Chorus: NIWOWE NIRINGIYE
NIWOWE NIYAMBAZA
NIWOWE NISHIMIYE
MWAMI Yesu Wakoz’ibikomyeye X2

VERSE 2: Hahirwa uwagukurirkiye Mwami
Ntazakorwa n’isoni namba

Kuko Ntutererana Ubwoko Bwawe
Iyuvuze rimwe Biraba

Chorus: NIWOWE NIRINGIYE
NIWOWE NIYAMBAZA
NIWOWE NISHIMIYE
MWAMI Yesu Wakoz’ibikomyeye X2

VERSE 3: Hahirwa Abakwiringiye Mwami we
Ntubakoz’isoni
Hahirwa abakwizeye Yesu we
Ntubakoz’isoni X2
(Hahirwa) (Abongabo ) (Hahirwa Hahirwa )

ENDING : NIWOWE NIRINGIYE
NIWOWE NIYAMBAZA
NIWOWE NISHIMIYE
MWAMI Yesu Wakoz’ibikomyeye X2

Hygette and Cynthia; abaramyi bo guhangwa amaso