Tariki 21 Gicurasi 2023 kuva saa kumi n’imwe z’umugoroba nibwo hazaba igitaramo ’Integrity Gospel Concert’ cyateguwe na Alexis Dusabe binyuze muri kompanyi ye yitwa East African Gospel Festival ifite intego yo gukora ibitaramo nk’ibi buri mwaka. Iki gitaramo kizabera muri Camp Kigali.

Ni igitaramo gikomeye mu Karere, Alex Dusabe yatumiyemo abaramyi basizwe amavuta ari bo Aime Uwimana, Apotre Apollinaire, David Nduwimana na Prosper Nkomezi. Amatike yacyo yamaze kugera hanze, akaba aboneka mu buryo bwa ’Online’ n’ubwa gakondo.

’Integrity Gospel Concert’ ni igitaramo gitegerejwe bikomeye n’abakunzi b’umuziki wo kuramya no guhimbaza Imana, kizahuriza hamwe abaramyi bakunzwe cyane mu Karere. Kwinjira ni ukugura itike ya 5,000 Frw mu myanya isanzwe; 10,000 Frw muri VIP, na 20,000 Frw muri VVIP.

Amatike ari kuboneka mu bice bitandukanye muri Kigali nko kuri Simba Supermarkets zose, Camelia zose, Lamane zose ndetse no muri Car Free Zone. Hanashyizweho nimero ya telefone ku wagira ikibazo mu kugura itike, iyo akaba ari: 0788880901. Ushobora no kugura itike kuri interineti utiriwe uva mu rugo. Kanda HANO ugure itike.

Abanyarwanda barahiriwe cyane muri iyi Gicurasi kuko bagiye kuramya Imana hamwe n’abakozi b’Imana basizwe, ni mu gitaramo cy’imbaturamugabo cyiswe ’Integrity Gospel Concert’